Life of sky
என்னோட அப்பாவுக்கு விண்வெளி ஆராய்ச்சின்னா பிடிக்கும். அவருக்கு ரொம்ப பிடிச்ச 'ஸ்கை' அப்படின்ற விண்கலத்தோட பேர் எனக்கு வச்சிட்டார்.
ஸ்கூல்ல எல்லாரும் ஸ்கை-வானம்-வானரம்னு கிண்டல் பண்ணுவாங்க. எனக்கு வானம் ரொம்ப பிடிக்கும். விண்வெளி, நட்சத்திரம் பத்தின புத்தகம் எல்லாம் படிச்சிட்டேன்.
எங்களுக்கு ஒருமுறை பரிசு குலுக்கல்ல விண்வெளிக்குப் போறதுக்கு இலவச டிக்கெட் பரிசு கிடைச்சது. எல்லோரும் கிளம்பிட்டோம்.
அந்த நாள் வந்தது. எல்லோரிடமும் விடைபெற்று கிளம்பினோம். நான், அண்ணா, அம்மா, அப்பா அப்புறம் என்னோட மியாவ்!
விண்வெளிக்கலம் கிளம்பி 3வது நாள். எல்லோரும் தூங்கிட்டு இருந்தோம் எதோ சத்தம் கேட்டு முழிச்சி பாத்தேன். விண்கலத்தில் தீ! எதையும் யோசிக்காம குதிச்சிட்டேன்.
நான் கண்திறந்து பாத்தப்போ ஒரு மேகத்துமேல படுத்திருந்தேன். அழுதேன். என் சட்டைப் பையில் பாதி பிஸ்கட் பாக்கெட்டும், இன்னொரு பையில் மியாவ் மட்டும்.
இந்த மேகத்துமேல் வாழ ஆரம்பிச்சி எத்தனை நாளாச்சின்னு தெரியலை. ஒருநாளைக்கு ஒரு துண்டு பிஸ்கட்ன்னு சாப்பிட்டுகிட்டு இருக்கேன். எப்பவாவது காத்தடிச்சி மேகம் நகரும்போது சந்தோஷமா இருக்கும்.
எப்பவாவது என் மேகம் மேல் விண்மீன் வந்து விழும். சுட சுட சாப்பிட்டுருவேன்.
என் மேகம் காத்தில் கரையவும் இல்லை, மழை பெய்து காலியாகவும் இல்லை.
ஒருநாள் நல்ல காத்து. மேகம் எங்கயோ போகுது. திடீர்னு ஒரு மரத்துமேல இடிச்சி நின்னுருச்சி. கடகடன்னு மரத்துக்கு இறங்கிட்டேன். அப்புறம் தரைக்கு கொஞ்ச கொஞ்சமா இறங்கினேன்.
அந்தப் பக்கமா வந்த யாரோ பாத்துட்டு காப்பாத்தினாங்க. இதோ இப்ப நீங்க கேமராவத் தூக்கிட்டு வந்துட்டிங்க. என் குடும்பம் எங்க இருக்காங்கன்னு தெரியுமா?
யாருக்காவது தெரியுமா?
No comments:
Post a Comment